Teknopolis

- irakurri

Itsas dortoken artean handiena da larruzko dortoka; tona bat pisatzera irits daiteke. Ozeano Barean, Atlantikoan eta Indiako Ozeanoan bizi da, eta ur beroetara emigratzen du arrautzak erruteko. Sarbide erraza duen hondartza bat aukeratu, hondarrean zulo bat egin eta ehun bat arrautza erruten ditu; bi hilabeteren ostean irekiko dira arrautzak.

Denbora horretan, hondarrak duen tenperatura oso garrantzitsua da, jaioko diren dortoken sexua erabakitzen baitu. Sexu bien proportzio bera lortzeko, tenperaturak 29 gradu eta erdikoa izan behar du. Baina berotze globala larruzko dortoka emeen proportzioa handitzen ari da etengabe, eta espeziea mehatxatzen du.